Mae canfod ein cysylltiadau â’n hunain, eraill, a’r byd o’n cwmpas, yn hanfodol i ddiogelu ein hiechyd meddwl a theimlo’n llai unig.
Unigrwydd yw’r teimlad a gawn pan fyddwn yn teimlo nad oes gennym y perthnasoedd ystyrlon yr ydym eu heisiau o’n cwmpas. Mae’n rhywbeth y gall pob un ohonom ei brofi o bryd i’w gilydd, trwy gydol ein bywydau, a bydd yn wahanol i bawb.
Canfu arolwg YouGov (2019) o bobl ifanc 13-19 oed, bod 69% ohonynt wedi teimlo’n unig “yn aml” neu “weithiau” yn ystod y pythefnos diwethaf, a bod 59% yn teimlo nad oes ganddynt unrhyw un i siarad â nhw “yn aml” neu “weithiau”.
Mae’n hanfodol ein bod yn cefnogi pobl ifanc i gydnabod pryd maent yn teimlo’n unig, i ddeall eu meddyliau a’u teimladau, ac i adnabod y cysylltiadau cefnogol sydd ganddynt.
Addysgwr Cyfoed - Peer Education ProjectFel arfer, pan fyddaf yn teimlo’n unig, rwyf eisiau estyn allan at bobl... nid oes rhaid cael sgwrs go iawn, gall fod yn anfon meme doniol at ffrind, neu’n rwy’n mynd i wneud rhywbeth sy’n gwneud i mi deimlo’n well, fel chwarae gêm. Pan mae fy ffrind yn teimlo’n unig, rwy’n gwneud yn siŵr fy mod yn ei gysuro ac yn gadael iddo wybod cymaint rwy’n gwerthfawrogi ei gwmni.
Mae Peer Education Project y Sefydliad Iechyd Meddwl yn brosiect ar gyfer ysgolion uwchradd sy'n rhoi'r adnoddau i ddisgyblion hŷn gyflwyno gwersi iechyd meddwl i ddisgyblion ieuengach.
Mae'r prosiect wedi gweithio â disgyblion a staff mewn ysgolion uwchradd sy'n cymryd rhan i greu'r Pecyn Ysgol Unigrwydd: Canfod ein cysylltiadau er mwyn teimlo’n llai unig, sydd ar gael i bob ysgol ledled y DU.
Bydd y pecyn ysgol hwn yn darparu'r deunyddiau a'r adnoddau sydd eu hangen i gefnogi disgyblion i ddeall beth yw unigrwydd, sut mae’n gwneud i ni deimlo, a lle i ddod o hyd i gymorth. Mae'r pecyn wedi'i gynllunio i'w ddefnyddio mewn ysgolion uwchradd, ond mae'n cynnwys llawer o wybodaeth ddefnyddiol i ysgolion cynradd hefyd. Mae ar gael yn Gymraeg a Saesneg.
Mae’r pecyn yn cynnwys
- Cynllun gwers gyda sleidiau PowerPoint a sgript, yn ogystal â thaflenni gwaith i gyd-fynd â nhw sydd â'r opsiwn am fwy o ymgysylltiad â disgyblion unigol ynghylch y pwnc
- Cynllun gwasanaeth gyda sleidiau PowerPoint a sgript i gefnogi datblygiad dull gweithredu ysgol gyfan at unigrwydd ac iechyd meddwl
- Canllawiau defnyddiol i ddisgyblion, staff ysgol, a rhieni/gofalwyr ynghylch deall beth yw unigrwydd, sut mae’n medru effeithio ar ein hiechyd meddwl, a sut gall plant a phobl ifanc ganfod cysylltiadau gyda’u hunain, eraill, a’r byd o’u cwmpas, er mwyn teimlo’n llai unig
- Posteri i'w harddangos yn yr ysgol, i annog disgyblion i estyn allan am gefnogaeth pan fyddant yn teimlo'n unig
Cymorth ar gyfer plant a phobl ifanc
The Mix - Elusen yn y DU sy’n cynnig cymorth cyfrinachol am ddim i bobl dan 25 oed. Gall pobl ifanc geisio cymorth gan y tîm hyfforddedig, un ai drwy ffonio, drwy sgwrsio ar y we, neu dros e-bost.
Shout 85258 - Gwasanaeth cymorth dros neges destun, cyfrinachol, 24/7, am ddim.
Y Samariaid - Elusen yn y DU sy’n cynnig cymorth ar unrhyw adeg, o unrhyw ffôn, am ddim. Ffoniwch 116 123 am ddim, neu anfonwch e-bost at [email protected] .
Cymorth i staff ysgol
Mae Education Support yn cynnig cymorth o ran iechyd meddwl a llesiant i athrawon a staff addysgu mewn ysgolion, colegau a phrifysgolion.
Ffoniwch 08000 562 561 am ddim er mwyn siarad â chwnselydd cymwys. Byddant yn cynnig cymorth emosiynol cyfrinachol i chi yn uniongyrchol.
Cymorth i rieni a gofalwyr
Mae Llinell Gymorth a Gwasanaeth Gwe-sgwrs i Rieni Young Minds yn cynnig cyngor a chymorth i rieni a gofalwyr sy’n poeni am blentyn neu berson ifanc.
Cofrestrwch ar gyfer ein pecyn
Mae'r pecyn hwn ar gael i bob ysgol yn rhad ac am ddim.
Byddem yn annog pob ysgol sy'n defnyddio'r pecyn hwn i gefnogi ein gwaith elusennol drwy wneud cyfraniad awgrymedig o £5.