Mwy na hanner y tadau newydd mewn astudiaeth bêl-droed yn teimlo nad oes ganddynt gymorth ar gyfer eu hiechyd meddwl

Y Sefydliad Iechyd Meddwl a’r Sefydliad Tadolaeth yn cynhyrchu’r canllaw ‘Dod yn Dad’ i gefnogi tadau newydd

Ychydig iawn o gymorth sydd ar gael i dadau newydd wrth iddynt wynebu’r heriau a ddaw yn sgil bod yn dad yn ôl adroddiad y prosiect Tadau a Phêl-droed, a gyhoeddir heddiw (Dydd Gwener 19 Tachwedd) i nodi Diwrnod Rhyngwladol Dynion.

Crëwyd Tadau a Phêl-droed, prosiect 2 flynedd a ariannwyd gan Ymddiriedolaeth Wellcome, mewn partneriaeth â Sefydliad Cymunedol Clwb Pêl-droed Dinas Caerdydd a Chanolfan Genedlaethol Iechyd Meddwl Prifysgol Caerdydd, er mwyn cefnogi tadau newydd mewn ymateb i’r ddarpariaeth annigonol sydd ar gael ar hyn o bryd.

I ddechrau, daethpwyd â'r tadau at ei gilydd trwy eu cariad at y gêm brydferth ac i chwarae pêl-droed 5 bob ochr - ond bu'n rhaid rhoi'r gorau i'r gemau pêl-droed oherwydd y pandemig a chawsant eu disodli'n gyflym gan sesiynau cymorth cymheiriaid ar-lein. Ymunodd tadau a chwaraewyr o Ddinas Caerdydd, gan gynnwys Will Vaulks (a oedd yn ddarpar dad ar y pryd), â'r grwpiau i drafod sut roedd y newid bywyd wedi effeithio arnyn nhw. Ymgynghorwyd hefyd â 91 o dadau ynghylch eu barn trwy arolwg ar-lein.

Dywedodd Will: “Dysgais lawer o fy ymwneud â’r prosiect. Roedd yn bleser siarad gyda’r rhai a gymerodd ran am eu profiadau fel tadau, roedd yn ddefnyddiol iawn ar gyfer fy mharatoadau.”
Dywedodd Jenny Burns, Cyfarwyddwr Cymru ar gyfer y Sefydliad Iechyd Meddwl: “Ychydig iawn o ymchwil a wneir ar iechyd meddwl amenedigol tadau ac yn fwy cyffredinol, ar drawsnewidiad dynion i dadolaeth. Adlewyrchir hyn yn y diffyg cymorth  sydd ar gael iddyn nhw ar hyn o bryd. Mae canfyddiadau Tadau a Phêl-droed yn dangos faint o gymorth sydd ei heisiau a’i hangen ar dadau newydd – dengys ein harolwg ar-lein bod 56% o dadau wedi dweud y byddai grwpiau i ddynion allu cyfarfod a rhannu profiadau yn fuddiol ac nad oes rhai’n bodoli ar hyn o bryd. Mae'r Sefydliad Iechyd Meddwl eisiau i Lywodraeth Cymru gydnabod y bwlch hwn, a chynnwys sgrinio iechyd meddwl amenedigol a chefnogaeth i'r ddau riant fel rhan o asesiadau bydwreigiaeth yn eu strategaeth iechyd meddwl sydd ar ddod.”

Canfu’r arolwg a gynhaliwyd drwy’r prosiect Tadau a Phêl-droed fod 70% o dadau eisiau mwy o wybodaeth am yr hyn i’w ddisgwyl wrth ddod yn Dad. Mewn ymateb i'r angen a fynegwyd gan dadau, ymunodd y Sefydliad â'r Sefydliad Tadolaeth i greu 'Dod yn Dad', canllaw defnyddiol ar gyfer tadau newydd sy'n cynnwys yr ymchwil a'r wybodaeth fwyaf diweddar, llawer o awgrymiadau ymarferol, cyngor a chyfeiriadau i lawer o sefydliadau a all helpu pan fydd materion amrywiol yn codi.

Dywedodd Dr Jeremy Davies o’r Sefydliad Tadolaeth, a ysgrifennodd y canllaw Dod yn Dad: “Am lawer rhy hir, mae tadau wedi bod yn ôl-ystyriaeth mewn gwasanaethau amenedigol, er gwaethaf tystiolaeth gref o’r effaith enfawr a gânt ar ddeilliannau babanod a mamau - ac o’r heriau y gallent hwy eu hunain eu profi wrth iddynt gychwyn ar eu teithiau i fod yn dad. Mae gan ddynion lawer i'w wneud a meddwl amdano fel tadau newydd, ac mae angen mwy o gymorth arnyn nhw. Rydyn ni wrth ein bodd ein bod ni wedi ysgrifennu Dod yn Dad i'w helpu ar eu ffordd."

Mae’r canllaw ‘Dod yn Dad’ i’w gael am ddim a gellir ei lwytho i lawr yma https://www.mentalhealth.org.uk/cy/publications/dod-yn-dad

Diwedd

Nodiadau ar gyfer golygyddion:

Mae’r adroddiad Tadau a Phêl-droed i’w gael yma https://www.mentalhealth.org.uk/cy/publications/prosiect-tadau-ph%C3%AAl-droed

Mae cyfweliadau gyda siaradwyr arbenigol a’r rhai a gymerodd ran yn y prosiect Tadau a Phêl-droed ar gael ar gais. 

Cwblhaodd 91 o gyfranogwyr yr arolwg ar-lein

Sefydlwyd Consortiwm Ymchwil, yn cynnwys arbenigwyr blaenllaw ym maes iechyd meddwl amenedigol, i rannu tystiolaeth a gwybodaeth, i ddeall lle mae'r bylchau mewn ymchwil ac i weithredu fel panel cynghori a ffrind beirniadol i'r prosiect.

  • Adrienne Burgess, Y Sefydliad Tadolaeth
  • Dr Iryna Culpin, Prifysgol Bryste
  • Dr Kate Ellis-Davies, Prifysgol Abertawe
  • Sharon Fernandez, Arweinydd Iechyd Meddwl Amenedigol, GIG Cymru
  • Suzy Hodgson, Prifysgol Sheffield Hallam
  • Yr Athro Ian Jones, Canolfan Genedlaethol Iechyd Meddwl, Prifysgol Caerdydd
  • Dr Anna Machin, Ymchwilydd, ac awdur, ‘Life of Dad’
  • Yr Athro Andrew Mayers, Prifysgol Bournemouth
  • Yr Athro Paul Ramchandani, Prifysgol Caergrawnt

Daeth Grŵp Hyrwyddwyr Tadau, sy'n cynrychioli croestoriad eang o sefydliadau uchel eu parch sy'n gweithio gyda ac ar gyfer tadau ledled y DU, yn rhan o bethau hefyd er mwyn cynyddu dealltwriaeth o'r hyn sydd ei angen ar dadau.

I gael mwy o wybodaeth neu i wneud cais am gyfweliad cysylltwch â Natalie Sadler, Rheolwr Cyfathrebu a Marchnata ar gyfer Cymru yn y Sefydliad Iechyd Meddwl ar e-bost [email protected] neu Dr Jeremy Davies, Pennaeth Cyfathrebu’r Sefydliad Tadolaeth, [email protected]

Ar gyfer ymholiadau brys y tu allan i oriau ffoniwch y Sefydliad Iechyd Meddwl ar 07702 873999.  Rhif y Sefydliad Tadolaeth yw 0780 3711692.

Gwybodaeth am y Sefydliad Iechyd Meddwl

Ein gweledigaeth yw iechyd meddwl da i bawb

Mae’r Sefydliad iechyd Meddwl yn gweithio er mwyn atal problemau iechyd meddwl. 

Rydym yn gyrru newid tuag at gymdeithas sy’n iach yn feddyliol i bawb, a chefnogwn gymunedau, teuluoedd ac unigolion i fyw bywydau sy’n iachach yn feddyliol gan ganolbwyntio ar y rhai sydd fwyaf mewn perygl.  

Y Sefydliad yw cartref Wythnos Ymwybyddiaeth Iechyd Meddwl.

www.mentalhealth.org.uk

 

Contact our media team

Press enquiries

Please note that these contact details are for media enquiries only.

If you are a journalist and have a media enquiry, please email [email protected]. If your call is urgent, call 07702 873 939.

If your call is not answered immediately leave a message and we will get back to you as soon as possible. 

Unfortunately, we do not have the capacity to respond to student media requests but we hope the website is useful in helping with your studies.

Other enquiries

For emotional support, please contact Samaritans helpline on 116 123. For anyone seeking information on help and support in their area, contact Mind Infoline on 0300 123 3393 or text 86463.