Cyngor gan y pedair gwlad ar y pandemig coronafeirws
Yma rydym yn eich tywys trwy’r canllawiau iechyd cyhoeddus diweddaraf ar yr hyn y dylech fod yn ei wneud yn ystod yr achosion o coronafeirws a’u cyflwyno ar sail y manylion penodol ar gyfer pob gwlad.
Adolygwyd y dudalen ar 23 Medi 2020
Mae’n bwysig nodi bod llywodraethau Cymru, Lloegr, yr Alban a Gogledd Iwerddon wedi cymryd gwahanol gamau ar gyfer eu dinasyddion, yn rhannol oherwydd eu bod yn credu y bydd lefel yr haint, ac felly lefel y risg, yn wahanol.
Mae’r awdurdod priodol ar gyfer pob gwlad wedi nodi camau allweddol, rydym wedi defnyddio union eiriad arweiniad pob gwlad isod:
Cymru
Gwybodaeth am gyfyngiadau coronafeirws lleol.
Diogelu Cymru:
- cadwch bellter cymdeithasol bob amser
- golchwch eich dwylo'n rheolaidd
- os ydych yn cyfarfod ag aelodau cartref arall heblaw eich aelwyd estynedig chi, arhoswch y tu allan
- gweithiwch o gartref os gallwch chi
- Arhoswch gartref os oes gyda chi neu unrhyw un sy’n byw gyda chi symptomau.
- Manylion llawn i’w cael ar llyw.cymru.
Lloegr
Gall pob un ohonom helpu i reoli’r feirws os ydym oll yn cadw’n effro. Mae hyn yn golygu bod yn rhaid i chi wneud y canlynol:
- Golchwch eich dwylo
- daliwch ati i olchi'ch dwylo'n rheolaidd
- Gorchuddiwch eich wyneb
- gwisgwch orchudd wyneb mewn mannau caeedig
- Gwnewch le
- arhoswch o leiaf 2 fetr ar wahân - neu 1 metr gyda gorchudd wyneb neu ragofalon eraill
- Darganfyddwch beth sydd angen i chi ei wneud
- Rhaid i chi beidio â chyfarfod mewn grwpiau sy’n fwy na 6 (gyda rhai eithriadau cyfyngedig)
Yr Alban
Mae rheolau newydd yn golygu na ddylech ymweld ag aelwydydd eraill dan do. Er mwyn cadw'n ddiogel ac amddiffyn eraill, dilynwch y rheolau llymach hyn nawr. O 25 Medi, rhaid i dafarndai, bariau a bwytai gau am 10pm. Darllenwch fwy am y mesurau newydd. Fe ddylech chi wneud y canlynol:
- gwisgo gorchudd wyneb
- osgoi lleoedd gorlawn
- glanhau dwylo ac arwynebau yn rheolaidd
- aros 2m i ffwrdd oddi wrth bobl eraill
- hunanynysu ac archebu prawf os oes gennych symptomau COVID-19
Gweld yr hyn allwch chi ac na allwch ei wneud i helpu i atal y feirws.
Gogledd Iwerddon
Canllawiau rheoliadau Coronafeirws (COVID-19): beth mae'r cyfyngiadau yn ei olygu i chi.
Ers 28 Mawrth 2020 mae amrywiol reoliadau amddiffyn iechyd wedi bod ar waith i helpu i leihau lledaeniad y coronafeirws a dod â'r epidemig i ben cyn gynted â phosibl. Mae'r dudalen hon yn egluro beth mae'r rheoliadau a'r cyfyngiadau cyfredol yn ei olygu i chi.
Bydd yr hyn y gallwch ac na allwch ei wneud yn gymdeithasol yn dibynnu ar bwy ydych chi a ble rydych yn byw.
Gallwch ddod o hyd i’r wybodaeth fanwl ddiweddaraf ar gyfer pob gwlad isod: